Umuhanzikazi, umukinnyi wa filime ndetse n'umuyobozi w'amashusho y'indirimbo, Teyana Taylor, ni we wabaye icyamamare cyaranze
itangwa ry'ibihembo bya BET Awards 2026, nyuma yo kwegukana ibihembo bine mu birori byabereye muri Peacock Theater i Los Angeles muri Leta Zunze Ubumwe za Amerika.
Teyana Taylor yahawe igihembo cy'icyubahiro cya Icon of the Year, cyamushyikirijwe n'icyamamare Janet Jackson.
Yongeye no kwegukana ibihembo bya Best Actress, Video Director of the Year ndetse na Fashion Vanguard Award, ashimangira ko ari umwe mu banyabigwi bafite impano nyinshi mu ruganda rw'imyidagaduro. Mu ijambo yavuze nyuma yo kwakira igihembo cya Icon of the Year, Teyana Taylor yavuze ko imyaka 20 amaze akora umuziki n'ibindi bikorwa by'ubuhanzi byamwigishije kwakira intsinzi yicishije bugufi no gushimira abamubaye hafi.
Ibirori by'uyu mwaka byayobowe
n'umunyarwenya Druski, bikaba byaranzwe n'ibitaramo by'abahanzi batandukanye barimo Cardi B, Kehlani, Doechii, Don Toliver n'abandi.
