Ibihumbi by’abanyeshuri n’abakozi bigaragambije mu bice bitandukanye by’u Butaliyani, basaba ko amashuri ahabwa ingengo y’imari ihagije ndetse hagafatwa ingamba zo guhangana n’izamuka ry’ibiciro by’ibikenerwa mu buzima.
Iyi myigaragambyo yabaye kuri uyu wa Gatanu, mu gihe inzego z’umutekano zari zongereye abapolisi bashinzwe gukumira imvururu mu bice byari byiganjemo abigaragambyaga.
Iyi myigaragambyo ikurikiye indi imaze ibyumweru bitandukanye iba mu Butaliyani, aho abanyeshuri bari barashinze amahema ndetse bamwe bigarurira inyubako z’amashuri, mu rwego rwo kugaragaza ko batishimiye uko ibyifuzo byabo byitabwaho.
Abigaragambyaga basaba ko uburezi buhabwa ubushobozi buhagije, mu gihe izamuka ry’ibiciro by’ibikenerwa mu buzima rikomeje kuba kimwe mu bibazo bibahangayikishije.
