Umuhanzikazi w’icyamamare Taylor Swift yongeye kugaragaza imbaraga afite mu muziki mpuzamahanga nyuma y’uko indirimbo ye nshya “I Knew It, I Knew You” ikoze amateka yo guhita ifata umwanya wa mbere ku rutonde rwa Billboard Hot 100 ikimara gusohoka.
Iyi ndirimbo iri mu majwi yakorewe filimi ya animasiyo itegerejwe na benshi, Toy Story 5, ndetse ikaba yabaye indirimbo ya 15 ya Taylor Swift yageze ku mwanya wa mbere kuri Billboard Hot 100, ibintu bikomeza kumushyira mu bahanzi bafite amateka akomeye muri uru ruganda.
uku guhita aza ku mwanya wa mbere kw’iyi ndirimbo kugaragaza uburyo Taylor Swift akomeje kugira abakunzi benshi ku rwego rw’isi, cyane cyane mu bihe byo gukwirakwiza umuziki hifashishijwe imbuga nkoranyambaga.
Iyi ntsinzi kandi ije mu gihe filimi ya Toy Story 5 iri mu zikomeje kuvugisha benshi mbere y’uko isohoka, bikaba byaragize uruhare mu kongera ubwamamare bw’iyi ndirimbo kuva ku munsi wa mbere.
Taylor Swift akomeje kuba umwe mu bahanzi bafite uruhare runini mu guhindura isura y’umuziki wa pop muri iki gihe, aho buri mushinga mushya we wose ashyira hanze ukomeje kugera ku rwego rushimishije.
